बर्लिन/ फिफा विश्वकप फुटबलमा तेस्रो स्थान प्राप्त गरेको जर्मनीका पूर्वकप्तान माइकल बालाकले बुधबार सनसनीपूर्ण भनाइ सार्वजनिक गरेका छन् । विश्वकप खेल्न नपाएको रिसमा बालाकले बर्लिनबाट प्रकाशित हुने डेर स्पेगलसँग कुराकानी गर्दै भने, 'जर्मनका सबै खेलाडी समलिंगी हुन् ।' इन्जुरीका कारण बालाक दक्षिण अपि|mकामा सम्पन्न विश्वकपमा खेल्न सकेका थिएनन् । टोलीका प्रशिक्षक जोकिम जोको नजरमा बालाक अनफिट खेलाडी थिए । एक खेल पनि नखेल्दै उनी घर फर्के ।
पूर्वकप्तान तथा चेल्सीका मिडफिल्डर बालाक आफूले प्रमाणका साथ दाबी गरेको बताउँछन् । 'वर्तमान टोलीमा धेरै खेलाडी समलिंगी भएको मसँग प्रमाण छ ।' बालाकले डेर स्पेगलसँग अन्तर्वार्तामा भने । एक दशकभन्दा लामो राष्ट्रिय टोलीसँग साँठगाँठ राखेका बालाकले अनुभवका क्रममा सो कुरा पत्ता लागेको बताए ।
बालाकको आपत्तिजनक तथा सनसनी कुरालाई जर्मनीको विभिन्न राष्ट्रिक दैनिकले बुधबार आफ्नो संस्करणमा स्थान दिएको छ । तर, जर्मनी फुटबल संघले बालाकको कुरा मान्न तयार छैन । यसबारे संघले कुनै पनि प्रतिक्रिया सार्वजनिक गरेको छैन । जर्मनी संघका अनुसार, छिट्टै एक अनुसन्धान कमिटी बन्नेछ । सो कमिटीले बालाकसँग छानबिन गर्नेछ । यदि, बालाकले नियतवश आफ्नै साथीमाथि लगाइएको लाञ्छना गलत भएमा उनी आजीवन प्रतिबन्धित हुनेछन् ।
Read More........
Read More......
